«The Washington Times»: Жаппай қырып-жоятын биологиялық қаруға жаһандық көзқарасты жетілдіру

«Агенттік Биологиялық қару туралы конвенцияға (БҚК), БҰҰ және басқа органдарға биологиялық зерттеулердің бейбіт және ашық жүргізілуін қамтамасыз етуге, планета халқының денсаулығы мен қауіпсіздігін жақсартуға, мемлекеттің әлеуетін нығайтуға, вакциналар мен биологиялық қарсы шараларды әзірлеуді жеделдетуге арналған, сондай-ақ экспортты бақылаудың инклюзивті тетіктері, сенім шараларының қолжетімділігін арттыру және биологиялық шабуыл қаупі бар мемлекеттерге әлеуетті көмек көрсету деректер базасын жүргізу арқылы халықаралық сенім мен ынтымақтастықты арттыруды көздейді. Агенттік жаһандық бақылауды күшейту және елдердің халықаралық көмек алуға сенімділігін арттыру үшін қоғамдық тексеру құралдары, ерікті сараптамалық шолулар, жасанды интеллекттің көмегімен оқыту және ашық бастапқы деректерді өндіру сияқты қосымша бастамаларды қолдай алады. Бұл табиғи, кездейсоқ және қасақана биологиялық қауіптерді ерте анықтауда тиімді қорғаныс үшін өте маңызды. Сонымен қатар агенттік биологиялық әзірлемелердің институционалды халықаралық шолуын қолдау арқылы, COVID-19 бойынша пікірталасты ушықтырған жалған ақпаратқа қарсы тұра алады. Қазақстанның Ресеймен, Қытаймен және АҚШ-пен жақсы қарым-қатынаста болуы бұл ұсынысқа соңғы уақытта ядролық қаруды таратпау жөніндегі басқа бастамалардың ілгерілеуіне кедергі келтіретін қайшылықтарды еңсеруге көмектесуге тиіс», - делінген мақалада.