Бүгін Мұстафа Өзтүріктің туған күні

Бүгін - Қазақ таэквондо мектебінің негізін қалаушы, 7-ші данның қара белбеуінің иегері Мұстафа Өзтүріктің туған күні. Көзі тірі болғанда 70 жасқа толар еді.

Бүгінде ел арасында қазақтың даңқты ұлының есімі де, оның тағылымды ой-тұжырымдары да аңызға айналған. Бір сұхбатында: «Ауылда жүрген кезде балалар жүгіріп келеді де, «мен Мұстафа Өзтүрік» боламын дейді. Мені кішкентай балалар жақсы көреді ғой. Оларға:

«Сендер Мұстафа Өзтүрік болмаңдар! Ғалым, жазушы, ақын, педагог болыңдар!» деймін. Мен ең оңай жолды таңдадым. Ашығын айтқанда, менікі қара күш қой. Чемпион болу - оңай, адам болу - қиын», - деген екен Мұстафа Өзтүрік.