🗺 Сирияның оңтүстік-батысындағы Эль-Кунейтра мен Дераа провинцияларында жаппай наразылық шерулері басталды. Бұл шерулер Израиль премьер-министрі 🇮🇱 Биньямин Нетаньяхудың жақында жасаған мәлімдемесіне жауап ретінде орын алды. Оның Сирияның оңтүстігіндегі кейбір аймақтарды демилитаризациялау және друз қауымын «қорғау» туралы айтқан сөздері жергілікті халықтың ашу-ызасын тудырды.
🔥 Оңтүстік Сириядағы түрлі тайпалардың өкілдері де көшеге шығып, елді бөлшектеуге бағытталған әрекеттерге қарсылық білдірді. Олар Израильдің Сирия ісіне араласуын үзілді-кесілді жоққа шығарып, елдің бірлігі мен аумақтық тұтастығын сақтауға бейілді екендерін мәлімдеді. Наразылық білдірушілер «Сирия бөлінбейді!» деген ұрандар көтеріп, Израиль премьер-министрін Сирияның егемендігін бұзуға талпынуда деп айыптады. Шерулер кезінде Израиль туларын өртегендер де болды, бұл халықтың ашуының символына айналды.
🔴 Наразылықтар аясында Сириядағы друз қауымының кейбір мүшелері «Әс-Сувейда әскери кеңесін» құру бастамасын көтерді. Бұл ұйымға бірнеше қарулы топтар кіреді және ол провинцияға үкіметтің де, экстремистік топтардың да араласуына қарсы. Олардың ішінде Абу Мұхаммед әл-Джулани басқаратын содырлар тобы да бар. Сонымен қатар, кейбір адамдар бұл жағдай діни негіздегі қудалауларға әкелуі мүмкін деп қауіптенуде.
🔴 Алайда, Әс-Сувейда провинциясындағы друз қауымының көшбасшысы шейх Хикмет әл-Хиджри «Әс-Сувейда әскери кеңесінің» құрылуын сепаратистік қадам деп айыптады. Ол бұл топтың барлық друздардың атынан сөйлеуге құқығы жоқ екенін атап өтті. Бұл мәлімдеме друздар қауымының өз ішінде де іріткі бар екенін көрсетіп, өңірдегі шиеленісті күшейте түсті.
❗ Осы арада Израиль әскері Голан шыңдарындағы буферлік аймақта және Хермон тауында орнығып алды. Бұл аумақтар Башар Асад режимі құлағаннан кейін Израиль бақылауына өтті. БҰҰ мұны 1974 жылғы келісімдерді бұзу деп бағалады.
🔴 Сирия билігі Израильдің әскерін бұл аймақтан дереу шығару үшін қатаң шаралар қабылдауға дайын екенін мәлімдеді. Оңтүстік аймақтың тұрғындары Нетаньяхуды елдегі тұрақсыздықты пайдаланып, аумақтық экспансия жүргізуге тырысуда деп айыптады. Жергілікті қарулы топтар қарсылық көрсетеміз деп ант беруде.
✋ Израильдің бұл әрекеттері Таяу Шығыста жаңа қақтығыс толқынын тудыруы мүмкін, оған Түркия мен Иран сияқты көрші мемлекеттер де тартылуы ықтимал. Билік ауысқаннан кейін ғана есін жиып келе жатқан Сирия тағы да егемендігі мен бақылауы үшін күрестің ортасында қалып отыр.