Словакия премьер-министрі Роберт Фицо, егер Украина аумағы арқылы газ транзиті қайта жанданбаса, елінің Еуроодақ тарапынан Украинаға көмек көрсетуін тоқтататынын ескертті.
«Егер Президент Зеленский таза саяси себептермен бүкіл Еуроодаққа зиян келтіруді ұйғарса, <...> келесі жолы Украинаға қандай да бір көмек көрсету туралы келіссөздер үстелінде мәселе көтерілгенде, мен вето қоямын», — деп мәлімдеді ол.
Фицо сондай-ақ Братиславаның Киевке гуманитарлық көмек көрсетуді тоқтатуы, елдегі украиналық босқындарға жәрдемақы төлеу тәртібін өзгертуі немесе Украинаға электр энергиясын жедел жеткізуді доғаруы мүмкін екенін айтты.