Мәскеуде өткен сұхбатында Ресейдің Сыртқы істер министрі Сергей Лавров ешкімге Ресейдің шыдамдылығын тексеруге кеңес бермейтінін мәлімдеді.
«Біз ядролық қаруды қолдану қаупін күшейтуді қаламаймыз. Ядролық соғыста жеңімпаз болмайтыны туралы қағидаға берікпіз», – деді Лавров «Россия-1» арнасына берген сұхбатында.
Ол сөзінде: «Бірақ мен ешкімге біздің шыдамдылығымызды және заңды ұлттық мүдделерімізді барлық қолжетімді құралдармен қорғауға деген шешімімізді сынап көруге кеңес бермеймін», – деп атап өтті.
Министр РФ Президенті Владимир Путиннің осы мәселеге қатысты пікірін бірнеше рет, соның ішінде тікелей эфирдегі баспасөз конференцияларында да жеткізгенін еске салды. «Біз үміттенеміз, құлағы барлар естиді, ал ақылы барлар түсінеді», – деді Лавров.
Сыртқы істер министрі, сондай-ақ, Ресейдің батыс елдерінің азаматтарын қазірдің өзінде тапшылыққа ұшыраған қаражатын бункерлер салуға жұмсамауға шақыратынын айтты.
«Біз ядролық қару мен оны қолдану мәселелерін талқылауды ешқашан өзіміз бастамағанбыз. Керісінше, бұл Ресейдің бастамасымен жүзеге асты. 2021 жылы Ресей мен АҚШ президенттері Путин мен Байденнің, кейін БҰҰ Қауіпсіздік кеңесінің тұрақты мүшесі болып табылатын ядролық державалардың басшыларының келісімімен Горбачев-Рейган формуласы қайта бекітілді. Бұл формулаға сәйкес, ядролық соғыста жеңімпаз болмайды, сондықтан ол ешқашан болмауы тиіс», – деп түсіндірді ол.
«Ядролық соғысты мүмкін деп көрсететін басқа бастамалар мен мәлімдемелер тек Батыс астаналарынан естіліп жүр», – деп қосты Лавров.
Киев тарапынан жасалған шабуылдарға тоқтала отырып, министр: «Бұл бағыттың жалғаса беруі әр жолы барған сайын қатаң жауаппен кездесетін болады», – деп ескертті.