Мюнхен, 2025 жылғы 15 ақпан /NHK/ – Германияда Мюнхен қауіпсіздік конференциясы аясында әлемнің түкпір-түкпірінен мемлекеттік және үкімет басшылары, дипломаттар мен қорғаныс саласының өкілдері бас қосты.
АҚШ вице-президенті Дж. Д. Вэнс жұма күні конференция қатысушылары алдында сөз сөйлеп, Украинадағы соғысты тоқтатуға мүмкіндік бар екенін мәлімдеді. Ол Трамп әкімшілігі Еуропаның қауіпсіздігіне алаңдайтынын атап өтіп, "Біз Ресей мен Украина арасындағы өзара қолайлы келісімге қол жеткізе аламыз деп сенеміз", – деді.
Конференция барысында Украина президенті Владимир Зеленский де сөз алып, бейбіт келіссөздерге қатысты шарттарын атап өтті. Ол Украинасыз ешқандай келіссөз болмайтынын тағы да еске салып, Ресей президенті Владимир Путинмен тек АҚШ президенті Дональд Трамп пен Еуропа көшбасшыларымен бірге соғысты тоқтату жөніндегі ортақ жоспар құрылғаннан кейін ғана кездесуге дайын екенін айтты.
Өз баяндамасында Дж. Д. Вэнс сондай-ақ Еуропа елдерін заңсыз миграцияға қарсы күресті күшейтуге шақырып, бұл мәселені құрлықтағы ең өзекті проблемалардың бірі деп атады. Оның бұл мәлімдемесі Мюнхенде ауғанстандық бір ер адамның көпшілікке көлігімен шабуыл жасап, 36 адамды жарақаттаған оқиғасынан бір күн өткен соң жасалды.