Палестиналық ұйымдар АҚШ президенті Дональд Трамптың қоршаудағы Газа секторын басып алу және оның тұрғындарын көшіру жоспарын қатаң айыптап, оны соғыс жариялау әрекеті деп атады.
Палестиналық топтардың басым бөлігін біріктіретін Ұлттық және Исламдық күштер комитеті бұл жоспардың палестиналық халықты жерінен қууды көздейтін жаңа соғыс жариялау екенін мәлімдеді.
"Трамптың соңғы мәлімдемелері біздің халқымызға қарсы американо-сионистік серіктестіктің шынайы жүзін көрсетіп отыр", – делінген ұйымның мәлімдемесінде.
Палестиналық топтар араб елдерінің басшыларын және халықаралық қауымдастықты нақты шаралар қабылдауға шақырды.
Олар 27 ақпанда өтетін араб саммитін Трамптың қылмыстық жоспарларына қарсы тиімді әрі нақты қадамдар жасауға үндеді.
"Газа, Батыс жағалау және «Израильдің» ішіндегі палестиналықтардың табандылығы тікелей саяси және материалдық қолдауды талап етеді. Бұл олардың қарсылығын күшейтіп, өз жерінде қалуын қамтамасыз ету үшін қажет", – деп атап өтті палестиналық ұйымдар.