Munarmedia.kz. 27.10.2026. ASTANA —Халықаралық арбитраж Қазақстанның Қашаған мұнай-газ кен орнын игеруге қатысушы компанияларға қойған талаптарының бір бөлігін қанағаттандырмады. Бұл туралы Bloomberg агенттігі хабарлады.

Даулы мәселе 2011–2015 жылдар аралығындағы шығындарға қатысты. Арбитраж тиісті талаптар белгіленген мерзімнен кеш берілген деген негізбен шамамен 12 млрд доллар көлеміндегі талаптарды қараудан бас тартқан. Сонымен бірге шамамен 8 млрд доллар көлеміндегі басқа талаптарды қанағаттандырған.

Алайда бұл шешім тараптар арасындағы даудың толық аяқталғанын білдірмейді. Қазақстанның Қашаған жобасына қатысушы компанияларға қатысты өзге де талаптары қаралуы мүмкін.

Қазақстан қандай өтемақы талап етіп отыр?

Қазақстан тарапының жалпы талаптары 150 млрд доллардан асады. Оған болжамды жоғалған пайда, экологиялық талаптардың бұзылуына қатысты айыптаулар және даулы келісімшарттарға байланысты өтемақы мәселелері кіреді.

Бұған қоса, қазақстандық билік шамамен 10,7 млрд доллар сомасына жасалған 12-ге жуық келісімшарт бойынша сыбайлас жемқорлық белгілері болуы және шығындардың негізсіз ұлғайтылуы мүмкін екенін алға тартқан.

Бұл айыпта