Munarmedia.kz 21.04.2026 /Astana/- Тергеу деректеріне сәйкес, күдіктілер тобы заңды фармацевтикалық бизнес атын жамылып, психотроптық препараттарды заңсыз таратумен айналысқан.
Құқық қорғау органдары Қазақстан Республикасы Ішкі істер министрлігі, Ұлттық қауіпсіздік комитеті және прокуратура органдарының бірлескен арнайы операциясы барысында аталған қылмыстық топтың қызметін тоқтатты.
Тергеу мәліметінше, негізгі тұтынушылар 18–25 жас аралығындағы жастар болған. Таратылған препараттар тез тәуелділік тудырып, адам ағзасына психоактивті әсер берген.
Арнайы операция барысында ірі көлемдегі дәрі-дәрмек, есірткі заттары, оқ-дәрілер және ақша қаражаты тәркіленген. Сонымен қатар, тыйым салынған өсімдіктерді заңсыз өсіру фактілері анықталған.
Жалпы іс бойынша 11 күдікті анықталып, олардың 6 негізгі мүшесі қамауға алынған. Сондай-ақ қылмыстық жолмен алынған мүлік — жылжымайтын мүлік пен қымбат көліктерге тыйым салынған.
Алдын ала деректер бойынша, заңсыз айналым көлемі шамамен 1 миллиард теңгеге жеткен. Тергеу амалдары жалғасуда, қосымша ақпарат әзірге жария етілмейді.
#Munarmedia #Қазақстан #Қылмыс #Есірткі #Полиция #ҰҚК #Денсаулық #ҚұқықТәртібі