Саломе Зурабишвили президенттік өкілеттігі 29 желтоқсанда аяқталғаннан кейін де мандатын тапсырудан бас тартты және Еуроодақты оппозицияның наразылық акцияларын қолдауға шақырды. Сонымен қатар, ол билеуші «Грузия арманы» партиясымен байланысын үзгенін мәлімдеді.
14 желтоқсанда Грузияда жаңа жүйе бойынша алғаш рет президент сайлауы өтті. Мемлекет басшысын ел азаматтары емес, 300 өкілден тұратын сайлау алқасы таңдады. Оның құрамына парламент депутаттары, автономиялық республикалардың және жергілікті кеңесші органдардың мүшелері кірді.
Сайлауда «Грузия арманы» партиясының жалғыз үміткері Михаил Кавелашвили жеңіске жетті. Алайда Зурабишвили дауыс беру процесін сынап, «ешкім ешкімді таңдаған жоқ» деп, сайлауды заңсыз деп атады. Сондай-ақ ол нәтижелерді мойындаудан бас тартқандарға алғысын білдірді.
Қараша айының соңында басталған наразылық акциялары әлі де жалғасуда. Оның алғашқы себебі ретінде премьер-министр Ираклий Кобахидзенің Грузияның Еуроодаққа мүше болу туралы келіссөздерді 2028 жылға дейін тоқтату туралы мәлімдемесі аталды. Оппозициялық партиялардың жақтастары көшеге шығып, полициямен қақтығыстар ұйымдастырды.
* Фото: Грузия президенті.