Munarmedia.kz 24.11.2025 / Астана / Лозанна қаласында екі қарақшы музей қызметкеріне шабуыл жасап, витринаны қиратқаннан кейін онда сақталған ондаған алтын монетаны алып қашқан. Полицияның мәліметінше, күдіктілер алдын ала билет сатып алып, залдың босауын әдейі күткен.
Жинақтың құны жария етілмегенімен, жергілікті билік монеталардың археологиялық тұрғыдан аса құнды екенін атап өтті. 64 жастағы күзетші зардап шеккен жоқ.
Қала прокуратурасы қылмыстық іс қозғады, ал муниципалитет пен кантон билігі келтірілген залал бойынша талап-арыздар әзірлеп жатыр.
Айта кетейік, жуырда Лувр музейінде де ұрлық тіркелген еді: қылмыскерлер бірнеше минут ішінде 88 млн еуроға бағаланатын әшекей бұйымдарын алып кеткен болатын.