Орталық Азия, 2024 жылғы 17 желтоқсан – "Караван Инфо" ақпарат агенттігі. АҚШ-тың жаңадан сайланған президенті Дональд Трамп Байден әкімшілігінің сәтсіз саясаты салдарынан американдық әскерлердің Ауғанстаннан шұғыл әрі тәртіпсіз шығарылуын тағы да сынға алды. Трамптың айтуынша, АҚШ Ауғанстаннан «абыроймен» шығуы керек еді. Ол, егер Байденнің орнында өзі болғанда, талибтерге америкалық әскери техникамен парад өткізуге мүмкіндік бермейтінін атап өтті. Сондай-ақ, жаңадан сайланған президент, билікте болғанда, Ауғанстаннан барлық әскери техниканы алып шығатынын мәлімдеді. Трамп қазіргі Ауғанстан мен Украинадағы жағдайды Байден әкімшілігінің «ақылсыз» саясатының салдары деп бағалады. Байден әкімшілігінің Ауғанстаннан әскерлерді бейберекет түрде шығаруы республикашылдар тарапынан үнемі қатты сынға ұшырауда. Дональд Трамптың Ақ үйге келуі АҚШ-тың сыртқы саясатындағы бағытын және Талибан* қозғалысына қатысты ұстанымын өзгертуі «мүмкін» деген болжам бар.
*Талибан – БҰҰ санкция салған ұйым.