2025 жылдың соңына қарай Қазақстаннан АҚШ-қа тікелей рейстер ашылады

Цифрлық даму министрлігі өкілдері Сиэтлге (АҚШ) барып, "Boeing" ұшақтарын құрастыру өндірісімен танысты. Кездесу барысында қазақстандық авиакомпанияларға ұшақтар жеткізу мәселелері талқыланды.

Министрліктің мәліметінше, Қазақстаннан АҚШ-қа тікелей рейс үшін алғашқы Dreamliner ұшағын жеткізу 2025 жылдың соңына қарай жоспарланған.

Dreamliner жолаушылар ұшағын жеткізу Қазақстанның әуе флотын нығайтуға және елдегі әуе тасымалы деңгейін арттыруға бағытталған.