АСТАНА.16.05.2026.Munarmedia.kz – АҚШ Куба революциясының жетекшілерінің бірі, 94 жастағы Рауль Кастроға қатысты айып тағу және оны ұстау мүмкіндігін қарастырып жатыр. Бұл туралы The New York Times хабарлады.
Басылым мәліметінше, ықтимал айыптаулар 1996 жылы болған оқиғаға байланысты болуы мүмкін. Сол кезде Кубаның әскери-әуе күштері эмигранттардың Brothers to the Rescue («Братья приходят на помощь») ұйымына тиесілі екі ұшақты атып түсірген.
Аталған оқиға кезінде бірнеше адам қаза тауып, бұл жағдай АҚШ пен Куба арасындағы қарым-қатынастың күрт шиеленісуіне себеп болған еді. Кейін Вашингтон Кубаға қарсы санкциялық қысымды күшейткен.
Қазіргі уақытта америкалық билік өкілдері бұл мәселеге қатысты ресми мәлімдеме жасаған жоқ. Ал сарапшылар мұндай қадам АҚШ пен Куба арасындағы онсыз да күрделі дипломатиялық қатынастарға қосымша әсер етуі мүмкін екенін айтуда.
Рауль Кастро 2008-2018 жылдары Куба президенті қызметін атқарған. Ол Куба революциясының жетекшісі Фидель Кастроның інісі ретінде белгілі.
#АҚШ #Куба #РаульКастро #TheNewYorkTimes #ХалықаралықҚатынастар #Munarmedia