Газа секторындағы жағдай күннен-күнге ушығып барады. Аймақ халқының 90%-ы үйлерінен айырылып, әуе соққылары мен қиян-кескі шайқастардан құтылу үшін бір орыннан екінші орынға көшіп жүруге мәжбүр.
Қираған инфрақұрылым мен үздіксіз шабуыл жағдайында олар азық-түлік пен баспана тапшылығына тап болып отыр.
🚫 Қазіргі таңда Газа секторында 345 000 адам азық-түлік тапшылығынан қатты зардап шегуде.
Гуманитарлық көмек аясында аймаққа жеткізілетін азық-түлік тұрғындардың негізгі қажеттіліктерін қамтамасыз етуге жеткіліксіз болып отыр.
БҰҰ-ның Дүниежүзілік азық-түлік бағдарламасының (ДАБ) мәліметінше, аймаққа қажетті азық-түліктің тек үштен бірі ғана жеткізілуде, бұл миллиондаған аштыққа ұшыраған адамдардың қолдаусыз қалуына әкелуде.
🗣💬 Гаттас Хакура, ДАБ қолдау көрсететін Газа секторындағы наубайхана иесі, негізгі азық-түлік бағасының шарықтап жатқанын атап өтті:
*«25 кг бидай ұнының бір қапшығы 150 АҚШ долларына жетуі мүмкін.
Бұрын цитрустар, көкөністер мен құлпынай өсірілген аймақта кішкентай бұрыштардың бір килограмы Газа базарында 195 доллардан сатылып жатқанын көрдім.
Бірақ оларды ешкім сатып алған жоқ. Өйткені ешкімнің оған шамасы жетпеді.»*
Дереккөз: БҰҰ жаңалықтары