НАТО-ның Бас хатшысы Марк Рютте Брюссельдегі Еуропарламентте сөйлеген сөзінде Еуропалық Одақ елдеріне ескерту жасады. Ол ЕО елдері қорғаныс қажеттіліктеріне қазіргі 2% ЖІӨ деңгейінен әлдеқайда көп қаражат бөлмесе, 4-5 жыл ішінде орыс тілін үйренуге тура келетінін айтты.
– Егер біз мұны жасамасақ, 4-5 жылдан кейін орыс тілі курстарына баруымызға немесе Жаңа Зеландияға көшуімізге тура келеді, – деді ол.
Рюттенің бұл мәлімдемесі Еуропа елдерін қорғаныс шығындарын арттыруға және НАТО-ның ұжымдық қауіпсіздік стратегиясын қолдауға шақыру аясында жасалды.