АСТАНА.18.05.2026.Munarmedia.kz – Таяу Шығыстағы геосаяси шиеленіс пен Иран төңірегіндегі жағдай әлемдік мұнай нарығына тікелей әсер етіп, бірқатар мұнай экспорттаушы елдердің кірісін арттырды. Бұл туралы The New York Times басылымы хабарлады.
Басылым дерегіне сәйкес, мұнай бағасының қымбаттауы және Ормуз бұғазы арқылы тасымал көлемінің шектелуі салдарынан негізгі табыс көрген елдердің қатарына АҚШ, Норвегия, Бразилия, Ресей және Қазақстан кірген.
Сарапшылардың пікірінше, Ормуз бұғазының стратегиялық маңызы жоғары болғандықтан, бұл бағыттағы кез келген тұрақсыздық жаһандық энергетикалық нарыққа бірден ықпал етеді.
Ал Парсы шығанағындағы бірқатар мұнай экспорттаушы мемлекеттер керісінше қысымға ұшыраған. Олардың қатарында Оман, Иран, Катар, Кувейт, Сауд Арабиясы, Біріккен Араб Әмірліктері және Ирак бар.
Мамандар жеткізілім көлемінің қысқаруы әлемдік нарықта мұнай мен жанармай бағасының күрт өсуіне алып келгенін атап өтеді.
#Мұнай #ӘлемЭкономикасы #NYT #Қазақстан #ОрмузБұғазы #Энергетика