Оңтүстік Кореяның президенті Юн Сок Ель әскери жағдай енгізгені үшін кешірім сұрап, жауапкершіліктен жалтармауға уәде берді.

"Қатты өкінемін. Адамдарды үрейлендіргенім үшін шын жүректен кешірім сұраймын" деп жазылған Юн Сок Ельдің кеңсесі таратқан хабарламада. Одан "Ренхап" үзінді келтіреді.

Юн Сок Ельдің түсіндіруінше, ол "мемлекеттік істерге жауапты" болғандықтан қапаланып, әскери жағдай енгізген. Ол істеген ісін мойнымен көтеретінін айтып, бұл әрекетін қайталамайтынын жазған.