Munarmedia.kz 05.02.2026 /Астана/ – Ивановода ерекше сот прецеденті тіркелді. Жергілікті өзбек диаспорасының басшысы, жеке кәсіпкер және такси жүргізушісі Саиджамал Ахмедов аймақтық ІІМ-ге қарсы сотқа жүгінді.
Өзбекстаннан келген мигрант есірткі таратуға күдікпен ұсталған. Ұсталған азамат орыс тілін түсінбейтінін айтып, тергеу үшін аудармашы қажет болды. Таңдау Саиджамал Ахмедовке түсті, ол тек тіл білетін ғана емес, сол уақытта Иваново облыстық «Өзбек диаспорасы «Азия»» ұйымын басқарған еді. 2023–2024 жылдардағы қызметі үшін ІІМ-ден ол 140 мың рубль алған болатын.
Алайда бұл сома оған аз көрініп, Ахмедов оны сот арқылы қайта қарауды шешті. Жаңа есептеулер бойынша өзбек тілі сирек кездесетін шығыс тілдерінің қатарына жатқызылып, аудармашы қызметі сәйкесінше жоғары бағалануы тиіс болды. Сот талапкердің дәлелдерін қолдап, ІІМ-нен Ахмедовқа 2,6 млн рубль залалды өтеуді және сот шығындарына шамамен 105 мың рубль төлеуді міндеттеді.
Ресейлік БАҚ мәліметінше, жалпы төлемдер көлемі 2,8 млн рубльге жетіп, негізгі кәсібі – жолаушылар тасымалы – болған Ахмедовтың қаржылық жағдайын едәуір жақсартты. Кейбір деректер бойынша, ол Ивановода жылжымайтын мүлік сатып алуды ойлап жүр.
Айта кетейік, оның қоғамдық ұйымы 2024 жылдың наурызынан бастап тарату процесінде тұр.
Munarmedia.kz