Munarmedia.kz 05.02.2026 /Астана/ – Әлеуметтік желі қолданушылары Қазақстан Мәжілісінің депутаты Ирина Смирнованы жаңа Конституция жобасына қатысты сөйлеген сөзін дайындау кезінде жасанды интеллект пайдаланған болуы мүмкін деп болжады.
Талқылау Telegram-арналардың бірінде жарияланған жазбадан кейін басталған. Онда авторлар депутаттың сөзін сынға алып, мәтінді дайындауға нейрожелі қатысқан болуы ықтимал деген пікір білдірген. Мысалы, сөз барысында «Преамбула – болашақтың компасы» немесе «Біздің күшіміз – уақыттың үзілмейтін жібінде» сияқты бейнелі тіркестер қолданылғаны айтылған.
Алайда Ирина Смирнова бұл болжамдарды жоққа шығарды. Ол журналистерге берген түсініктемесінде баяндамаларын өзі дайындайтынын, тек отырыстар алдында әртүрлі дереккөздерді қарап шығатынын мәлімдеді. Депутаттың айтуынша, мұндай әңгімелер баяндаманы «шамадан тыс пафосты» деп бағалап, «ChatGPT» пайдаланылған болуы мүмкін деген пікір жазылған Telegram-жарияланымнан кейін тараған.
Смирнова «ChatGPT» қолданбайтынын, сөздерін өз стилінде жазатынын айтты. Кей жағдайда ақпаратты нақтылау үшін жасанды интеллект элементтері бар іздеу жүйелерін пайдаланатынын да жасырмады. Оның пікірінше, нейрожелілер пайдалы болуы мүмкін, бірақ әзірге олардың жауаптары әрдайым сенімді бола бермейді.
– Мен ойымды шын жүректен жеткіздім. «ChatGPT»-ке әлі үйренген жоқпын, кейде қателік көп болады, шындыққа күмәнданасың. Дегенмен кейбір мәліметтермен танысу үшін пайдалануға болады, – деген ол сын пікірлерге түсіністікпен қарайтынын жеткізді.
Айта кетейік, қаңтар айының соңында Қазақстанда Конституцияның жаңартылған мәтіні жарияланған болатын.
Munarmedia.kz