Munarmedia.kz 11.07.2025 жыл/Астана-Елдің таулы өңірлерінде қазір сел қаупі жоғары кезеңнің белсенді фазасы жүріп жатыр. Алдын алу шаралары аясында мореналық көлдердің ойысынан 2 102,72 мың текше метр су ағызылды, деп хабарлады ҚР Төтенше жағдайлар министрлігі.
Қазіргі таңда Қазақстан аумағында 610 сел қаупі бар учаске және 970 мореналық-мұздық көл тіркелген. Оның ішінде 15 көл аса қауіпті санатқа жатады. Гидрометеорологиялық ахуалды бақылауды ТЖМ «Қазселқорғау» мекемесінің 118 тұрақты және маусымдық бекеті, сондай-ақ 30 диспетчерлік пункті жүргізеді.
Маусым басталғалы бері ықтимал қауіпті учаскелерде 694 жерүсті және 14 әуеден көзбен шолу арқылы тексеру жұмыстары атқарылды.