Munarmedia.kz 11.07.2025 жыл/Астана-Бюджет шығыстары қысқарып, тарифтер өсіп жатқан уақытта Қазақстан миллиардтаған доллар көлемінде жаңа қарыздық міндеттемелер қабылдауда. Аталған автожолдар бірнеше жыл бойы салынады, ал олардың несиесін ел 2048 жылға дейін өтемек.
Үкімет жалпы құны 1,5 трлн теңгеден асатын үш жаңа автожол жобасын мақұлдады. Қаржыландыру шамамен 1,3 трлн теңге (~2,8 млрд АҚШ доллары) көлеміндегі халықаралық несиелер есебінен, мемлекеттік кепілдікпен қамтамасыз етіледі. Бұл жөніндегі № 595 қаулыға 4 тамызда Премьер-министр Олжас Бектенов қол қойды, деп хабарлайды Exclusive.kz.
Несие берушілер — Халықаралық қайта құру және даму банкі (ХҚДБ), Азия инфрақұрылымдық инвестициялар банкі (АИИБ) және Азия даму банкі (АДБ).
Кредиттік қаржыға іске асырылатын жобалар
-
«Қызылорда – Павлодар – Үспен – РФ шекарасы» автожолын қайта жаңарту
(учаске «Жезқазған – Қарағанды», 433–946 км)-
Құны: 1,17 трлн ₸
-
Несие көлемі: 996 млрд ₸ дейін
-
1-кезеңге мемлекеттік кепілдік: 650 млрд ₸
(2025 ж. — 325 млрд ₸ ХҚДБ, 2026 ж. — 325 млрд ₸ АИИБ) -
Мерзім: 2025–2045 жж.
-
-
Сарыағаш қаласын айналып өтетін жол құрылысы
(Б. Қонысбаев атындағы өткізу пункті арқылы Өзбекстанға шығу)-
Құны: 237,4 млрд ₸
-
Несие көлемі: 201,8 млрд ₸ дейін
-
Несие беруші: АДБ
-
Мерзім: 2025–2048 жж.
-
-
А-27 «Атырау – Доссор» автожолын қайта жаңарту
(598–512 км)-
Құны: 138,4 млрд ₸
-
Несие көлемі: 121,8 млрд ₸ дейін
(2025 ж. — 44,6 млрд ₸, 2026 ж. — 77,2 млрд ₸) -
Несие беруші: АИИБ
-
Мерзім: 2025–2048 жж.
-
Барлық үш жоба бойынша тапсырыс беруші — «ҚазАвтоЖол» ұлттық компаниясы.
Нәтижесінде, ел халықаралық банктерден шамамен үш миллиард АҚШ долларын қарызға алып отыр. Бұл жобалар кем дегенде жиырма жылдан кейін ғана толық аяқталмақ.
Басты сауал — бұл жолдар қазақстандықтар төлейтін қомақты қаражатқа сай бола ма?