АСТАНА.23.05.2026.Munarmedia.kz – Қазақстанның банк секторындағы таза пайда көлемі қатарынан төртінші ай төмендеу үрдісін көрсетіп отыр. Бұл туралы Қазақстан Ұлттық Банкі жариялаған екінші деңгейлі банктердің кірістері мен шығыстары туралы есепте айтылған.
Ресми мәліметке сәйкес, 2026 жылдың алғашқы төрт айында қазақстандық банк секторының салық төленгеннен кейінгі таза пайдасы 795,8 миллиард теңгені құраған. Бұл көрсеткіш 2025 жылдың сәйкес кезеңімен салыстырғанда 12 пайызға төмен. Өткен жылы осы уақытта банктердің таза табысы 904,5 миллиард теңге болған.
Сарапшылардың айтуынша, сектордағы табыстың қысқаруы несиелік белсенділіктің баяулауы, пайыздық маржаның төмендеуі және операциялық шығындардың артуымен байланысты болуы мүмкін.
Сонымен қатар банктердің салыққа дейінгі пайдасы да азайғаны байқалады. Егер наурыз айында бұл көрсеткіш 257,6 миллиард теңге болса, сәуір айында 248,6 миллиард теңгеге дейін төмендеген.
Қаржы нарығындағы мамандардың пікірінше, қазіргі жағдайда банктер тәуекелдерді қайта бағалап, несиелеу саясатын қатаңдатуға көшуі ықтимал. Бұл өз кезегінде экономиканың нақты секторына берілетін қаржы көлеміне әсер етуі мүмкін.