Ресей тағы да Зеленскийдің отставкасын талап етіп отыр.

Көрші елдің Сыртқы істер министрлігінің өкілі Максим Мусихин хабарлағандай, бұл Украинадағы атысты тоқтату туралы меморандумға қол қою үшін аса бір қажет қадам. Сондықтан, украин халқы жаңа президентті жақын арада сайлауы тиіс.

Мәскеудің пайымынша, Владимир Зеленский легитимдігін жоғалтқандықтан, халықаралық құжаттарға қол қоя алмайды. Мұндай мүмкіндік әзірге тек Жоғарғы Раданың спикерінде ғана бар.

Еске салсақ, қанды қырғын басталғалы Путин Украинада жаңа президенттік сайлау өткізуді бірнеше рет талап еткен. Тіпті, дәл осы сылтаумен, бейбіт келісімдерді кейінге ысырып келген.