Munarmedia.kz 18.10.2025 /Астана/Мемлекет басшысы спорт саласындағы жауапкершілік пен шынайы мақсаттың маңыздылығына назар аударды
Президент Қасым-Жомарт Тоқаев еліміздегі спорттық федерациялардың жұмысын сынға алып, олардың басшылары өз беделін арттыруды көздейтін құралға айналып кеткенін ашық айтты.
Мемлекет басшысы көптеген федерациялар дене шынықтыру мен бұқаралық спортты дамыту үшін емес, олардың жетекшілерінің жеке танымалдығын арттыру үшін жұмыс істеп отырғанын атап өтті. Сонымен қатар, ол бұл ұйымдардың мемлекеттік қаржыға тым тәуелді екенін сынады.
Президент спорт саласында терең талдау жүргізіп, жағдайды нақты бағамдаудың қажеттігін баса айтты. Бұл бағыттағы қолдаудың жауапкершілікпен жүруі тиіс екенін ескертіп, спортты дамытуда науқаншылдық емес, жүйелі әрі шынайы көзқарас қажет екенін жеткізді.