Munarmedia.kz 11.07.2025ж /Астана/-Украина өз аумақтарының басып алынуын ешқашан мойындамайды. Бұл туралы ел президенті Владимир Зеленский Трамп пен Путин арасындағы келіссөздердің қарсаңында мәлімдеді, деп хабарлайды Exclusive.kz DW-ге сілтеме жасап.
Зеленскийдің айтуынша, Киев Мәскеуге тағы да Украина жерлерін бөлшектеуге мүмкіндік бермейді. Тарих көрсеткендей, Кремль басшысының «тәбетін қандыру» тек жаңа басқыншылыққа әкеледі – дәл осылай Қырым мен Донбасс жағдайында болған.
«Ресей президенті Владимир Путин санкциялардан қорқады және олардан құтылу үшін барын салады. Бірақ сонымен бірге ол соғыстағы үзіліс пен қырғынды тоқтатуды, Украинаның басып алынған аймақтарын заңдастыруға айырбастағысы келеді. Бұл бірінші рет болып отырған жоқ», – деді Зеленский.
Ол Ресей агрессиясының эволюциясын былай сипаттады:
-
«Оған Қырымды алуға мүмкіндік берді – бұл Донецк пен Луганск облыстарын оккупациялауға әкелді.
-
Шекарамызға әскери контингент жинағанда алдын ала жаза қолданылмады – бұл толыққанды соғысқа және Украинаның басқа аумақтарының басып алынуына ұласты».
Зеленскийдің айтуынша, қазір Путин Херсон облысының оңтүстігін, Запорожье, Луганск пен Донецк облыстарын және Қырымды басып алуын кешіруді қалайды. «Бұл – Украинаны бөлудің екінші әрекеті. Біз оған жол бермейміз. Ресейді білетіндер үшін – екінші болса, үшінші де болады. Сондықтан біз берік, нақты украиндық ұстанымда тұрмыз», – деді ол.
Украина президенті Путиннің мақсаты соғысты тоқтату емес, тек толық ауқымды басқыншылықта уақытша үзіліс жасау екенін атап өтті:
«Оның қолындағы жалғыз карта – адамдарды өлтіру мүмкіндігі. Ол өлімді тоқтатуды ең қымбат сауда затына айналдыруға тырысуда».
Зеленский халықаралық қауымдастықты Мәскеудің риторикасына алданып қалмауға шақырды: «Бізге өлімді уақытша тоқтату емес, шынайы және ұзақ мерзімді бейбітшілік керек». Мұндай бейбітшілік, оның айтуынша, «берік және сенімді қауіпсіздік архитектурасына» негізделуі тиіс. Украина көшбасшысы бұл бағытта серіктестердің Киев позициясын қолдауға дайын екенін де атап өтті.