Жыл басынан бері 2 185 этникалық қазақ қандас мәртебесін алды.
Негізгі көшіп келушілер Қытайдан (46,4%) және Өзбекстаннан (41%), сондай-ақ Түрікменстан, Ресей және Моңғолиядан келеді. Еңбек және халықты әлеуметтік қорғау министрлігінің мәліметінше, Қазақстан тәуелсіздік алғаннан бері елге қоныс аударған этникалық қазақтардың саны 1,15 миллионнан асты.
1 наурыздағы дерек бойынша:
-
60,8% – еңбекке қабілетті жаста,
-
30,8% – балалар,
-
8,4% – зейнеткерлер.
Білім деңгейі әртүрлі:
-
16,8% – жоғары білімді,
-
30,7% – орта арнаулы білімі бар,
-
50,8% – жалпы орта білімді,
-
1,7% – білімі жоқ.
Қандастар қай өңірлерге орналастырылады?
Министрлік қандастарды еңбек күші жетіспейтін аймақтарға орналастыруды көздеп отыр. Олар:
-
Батыс Қазақстан облысы,
-
Шығыс Қазақстан облысы,
-
Солтүстік Қазақстан облысы,
-
Ақмола облысы,
-
Абай облысы,
-
Қостанай облысы,
-
Павлодар облысы,
-
Атырау облысы.
Мемлекеттік қолдау қандай?
Қоныс аударған қандастарға қаржылай көмек қарастырылған:
-
Еңбек күші тапшы өңірлерге көшкендерге – әр отбасы мүшесіне 275,2 мың теңге (70 АЕК) бір реттік жәрдемақы беріледі.
-
Бір жыл бойы тұрғын үй жалдау мен коммуналдық қызметтерге – айына 59-118 мың теңге субсидия бөлінеді.
Алайда, жыл басынан бері бұл көмекті небәрі 84 қандас алды, олардың 56-сы жұмысқа орналасты. Бұл 2025 жылы елге оралған қандастардың бар-жоғы 3,6%-ын құрайды.
Солтүстік өңірлерге қоныс аударғандарға экономикалық мобильділік сертификаты беріледі. Ол тұрғын үй құнының 50%-ына дейін немесе 4,56 млн теңгеге дейін шығынды өтейді.
Қандастарды орналастыру мәселесі жыл басында көтерілген еді. Көпшілігі Павлодар облысына жіберіледі.