Ішкі тұрақтылық және саяси тәуелсіздік: қазіргі Қазақстанның жағдайы туралы ой

Қазақстан тәуелсіз мемлекет болғанымен, ұлттық саясаттың бірқатар маңызды салаларында сыртқы ықпалдардың әсері қалған мемлекет. Қалыпты жағдайда дін, тіл, мәдениет және руханият – кез келген мемлекеттің ішкі саяси құзыретіне жататын мәселелер. Қытай, Жапония секілді бірқатар елдер бұл саладағы сыртқы ықпалға қатаң тосқауыл қояды. Ал Қазақстанда, өкінішке қарай, діни кеңістікке – араб әлемінің, тілдік мәселелерге – Ресейдің, ал мәдени-рухани үрдістерге – Батыс құрылымдарының ықпалы айтарлықтай байқалады. Әртүрлі гранттар, жобалар, сырттан қаржыландырылатын ұйымдар ел ішіндегі пікірталасты кейде табиғи арнадан шығарып жібереді. Сонымен қатар, елде жиын, форум, конференция өткізу мәдениеті өте белсенді дамығанымен, олардың басым бөлігі нақты нәтижеге емес, формализмге жақын екені қоғамда жиі сынға ұшырайды. Қазақстан халықаралық аренада белсенді, жауапты саясат ұстанып келеді. Президенттің сыртқы саясаттағы еңбегі, геосаяси теңгерімді сақтау әрекеттері сөзсіз жоғары бағалануға лайық. Алайда қоғамда «сыртымыз бүтін, ішіміз түтін» деген пікір жиі айтылады. Ішкі басқарудың ашықтығы, ақпараттық қауіпсіздік, ұлттық мүддені қорғайтын идеологиялық тұғырлардың әлсіреуі мемлекетке ішкі саясатының осалдығын көрсетуде. Қазіргі жағдай Қазақстанның шамадан тыс ашық, кей тұста бақылаусыз қалған ақпараттық және саяси алаңға айналып кеткенін көрсетеді. Сыртқы күштердің ішкі мәселелерге еркін араласуы – егемендікке қауіп төндіруі мүмкін. Сондықтан елдің ішкі тұрақтылығын күшейту, қаржылық ашықтықты қамтамасыз ету, идеологиялық және мәдени саясатты нығайту – уақыт талабы. Ішкі қауіпсіздік елдің тұрақтылығы һәм тұтастығы. Заңдарды өзгеден көшіріп, басқалардың реформаларын қайталай бермей быздын өзініздің өндіріс өкініш орай мән беретін кезден өтіп кеттік. Сіздер не дейсіздер?