Munarmedia.kz | 27.08.2026 | ASTANA— АҚШ Сирияны терроризмді демеуші мемлекеттер тізімінен, ал «Хайят Тахрир аш-Шам» (ХТШ) ұйымын аса қауіпті жаһандық террористік ұйымдар тізімінен шығарды. Бұл туралы АҚШ Қаржы министрлігі мәлімдеді.
Вашингтон сонымен қатар ХТШ-ға қатысты бұрын енгізілген бұғаттау шараларын алып тастады. Алайда ұйымның бұрынғы екі мүшесі — Са’д әл-Кааби мен Джамал Зайнияға санкция салынды. АҚШ тарапы оларды «Әл-Каида» және «Хуррас ад-Дин» ұйымдарына қолдау көрсетті деп айыптап отыр.
АҚШ-тың бұл шешімі Сирияға қатысты Вашингтонның санкциялық және терроризмге қарсы саясатының өзгеріп жатқанын көрсетеді. Бұған дейін Сирия ұзақ уақыт бойы АҚШ-тың терроризмді демеуші мемлекеттер тізімінде болған.
Сирия билігі шешімді тарихи оқиға деп бағалады
Сирияның Сыртқы істер министрі Асад Хасан аш-Шайбани АҚШ шешімін құптады.
Оның айтуынша, бұл — тарихи оқиға және Сирияның халықаралық оқшаулануын еңсеру жолындағы маңызды қадам.
Сарапшылардың бағалауынша, Дамаскіге қатысты шектеулердің біртіндеп жұмсаруы елдің халықаралық байланыстарын қалпына келтіруге, инвестиция тартуға және экономикалық қатынастарды кеңейтуге әсер етуі мүмкін.
#Munarmedia #ASTANA #Сирия #АҚШ #Терроризм #Санкциялар #ХайятТахрирАшШам #ХТШ #ТаяуШығыс #ХалықаралықСаясат #Геосаясат #Дипломатия #ӘлемЖаңалықтары