Munarmedia.kz. 05.08.2026. ASTANA – Қазақстанда 2026 жылы автомобиль жолдары саласында рекордтық көлемде құрылыс және жөндеу жұмыстары қолға алынды. Биыл республика бойынша жалпы ұзындығы 11 мың шақырымды құрайтын автожол құрылыс және қайта жаңғырту жұмыстарымен қамтылған.
Жобалар аясында жаңа автомобиль жолдары салынып, республикалық және жергілікті маңызы бар жолдар күрделі және орташа жөндеуден өткізілуде.
Сонымен қатар елдің көлік инфрақұрылымын дамыту жұмыстары жалғасып жатыр. Атап айтқанда, ақылы автомобиль жолдарының желісі кеңейтіліп, әуежайлар жаңғыртылуда және теміржол инфрақұрылымы кезең-кезеңімен модернизациялануда.
Ресми деректерге сәйкес, 2026 жылдың алғашқы жартыжылдығында Қазақстан аумағы арқылы транзиттік жүк тасымалы 24 пайызға өсіп, 21,7 млн тоннаға жетті. Ал теміржол арқылы тасымалданған жүк көлемі 157,1 млн тоннаны құрады.
Мамандардың айтуынша, көлік-логистика саласын дамыту және инфрақұрылымды жаңғырту Қазақстанның халықаралық транзиттік әлеуетін арттырып, елдің Еуропа мен Азия арасындағы маңызды көлік дәлізі ретіндегі рөлін күшейтуге мүмкіндік береді.
#MunarMedia #ASTANA #Қазақстан #Автожол #Көлік #Логистика #Транзит #Теміржол #Инфрақұрылым