Munarmedia.kz 05.07.2026. ASTANA – Қырғызстанда әйелдерге қатысты қылмыстардың жекелеген түрлері үшін қатаң жаза енгізу ұсынылды. Бұл бастаманы депутат Бурун Аманова көтерді.
Ұсынысқа сәйкес, Қылмыстық кодекске «фемицид» бойынша жеке бап енгізу қарастырылып отыр. Аталған бапқа әйелді жыныстық белгісі бойынша өлтіру, жүкті әйелге қатысты қылмыс, зорлық-зомбылықпен ұштасқан кісі өлтіру, сондай-ақ өз-өзіне қол жұмсауға итермелеу сияқты әрекеттер жатқызылмақ.
Жоба авторлары мұндай қылмыстар үшін мүлікті тәркілей отырып, өмір бойына бас бостандығынан айыру жазасын енгізуді ұсынады. Сонымен қатар бұл бап бойынша сотталғандарға рақымшылық қолдану мүмкіндігі қарастырылмайды.
Бастама әйелдер құқығын қорғауды күшейтуге бағытталған. Депутаттың айтуынша, бұл қадам қоғамдағы гендерлік зорлық-зомбылықтың алдын алуға ықпал етуі тиіс.
Қырғызстан парламенті заң жобасын алдағы уақытта қарастырады деп күтілуде.
#Қырғызстан #Фемицид #Заң #Парламент #ӘйелҚұқығы #ҚылмыстықКодекс #ОрталықАзия #Munarmedia