Картоп бағасының күрт өсуінің басты себебі — елімізде картоп тапшылығы. Бұл туралы аграрлық сарапшы, экономика ғылымдарының докторы Толеутай Рахимбеков «Орда» басылымына берген сұхбатында, мәселенің шешімі жергілікті билік өкілдерінің жалған статистикалық деректеріне байланысты екенін айтты.
«Бұл жағдайға кінәлі — барлық деңгейдегі шенеуніктер, ауыл әкімінен бастап министрлер мен вице-министрлерге дейін. Барлығы өндіріс көлемін арттыруды талап етеді. Шенеуніктердің тілімен айтқанда, физикалық көлем индексі (ИФО) өсуі керек (бұл олардың аса тиімді жұмыс істегенін дәлелдеу үшін).
Қарапайым тәсіл — ауыл шаруашылығындағы деректерді "жасау", себебі шағын фермерлер мен жеке қосалқы шаруашылықтар статистикалық есеп бермейді. Олардың орнына есепті ауыл әкімі жасайды.
Менің ойымша, 2024 жылы Қазақстанда өндірілген картоп көлемі 2,9 миллион тонна емес, бірнеше есе аз болды», — дейді сарапшы.
Мақалада шенеуніктердің есепті жалған жасау арқылы елімізде ауылшаруашылық өнімдері тапшылығына әкеліп соқтыратын себептері мен бұл жағдайдың қайталануы мүмкін екендігі туралы баяндалған.
* Фото: ҚР Премьер-Министрінің сайты.