Батыс Қазақстанда құны 7,4 миллиард доллар болатын мұнай-химия зауытының құрылысы басталды

Silleno компаниясы Қазақстанның Атырау облысындағы «Ұлттық индустриялық мұнай-химия технопаркі» АЭА аумағында полиэтилен шығаратын зауыт құрылысын бастады, деп хабарлады «ҚазМұнайГаз» АҚ.Жобаның құны 7,4 млрд долларды құрайды, кәсіпорынды іске қосу 2029 жылға жоспарланған. Зауыт жылына 1,25 миллион тоннаға дейін полиэтилен шығарады деп күтілуде.Silleno компаниясының иелері – «ҚазМұнайГаз» ҰК» ұлттық компаниясы (үлесі - 40%), қытайлық Sinopec Overseas Investment холдингі (30%) және ресейлік «Сибур Холдинг» ЖАҚ (30%).