Munarmedia.kz 09.01.2026 /Астана/ 2025 жылдың соңында ұлттық валюта долларға шаққанда 505,7 теңгеге дейін нығайғанымен, сарапшылар бұл әсердің уақытша екенін айтады. Негізгі себеп – валюта нарығына құйылатын қаражаттың күрт қысқаруы.
2026 жылы Ұлттық қордан бөлінетін трансферттер шамамен екі есе азаяды: 5,25 трлн теңгенің орнына 2,77 трлн теңге. Бұл нарықтағы валюта көлемі де азаяды деген сөз.
Сонымен қатар «айна-қатесіз теңестіру» (зеркалирование) деп аталатын тетік те қысқарып отыр – валютаны сату көлемі шамамен төрттен біріне азаяды. Осыған қоса экспорт төмендеп, импорт жоғары деңгейде қалып отыр, ал сауда профициті біртіндеп азаюда.
Шетелдік инвесторлардың да белсенділігі бәсеңдеген. Желтоқсан айында бейрезиденттер мемлекеттік облигацияларға небәрі 256 млн доллар инвестиция салған.
Сарапшылар тағы бір маңызды мәселеге назар аударады – Ұлттық банктің әрекеттерінің ашық еместігі. Квазимемлекеттік сектор үшін валютаны конвертациялау көлемдері жарияланбайды, бұл нарыққа алдағы жағдайды болжауды қиындатып отыр.