Қазақстанның Шу-Сарысу мыс бассейнінде ірі геологиялық барлау жұмыстары жүргізіледі. Жобаның басталғанын XXI ғасырдағы ең ірі мыс кен орындарын ашқан канадалық Ivanhoe Mines компаниясы хабарлады. Жаңа кен орнын зерттеу үшін британдық Pallas Resources компаниясымен бірлескен кәсіпорын құрылды. Олар 16 мың шаршы шақырым аумақта зерттеу жүргізеді. АҚШ Геологиялық қызметінің мәліметінше, бұл бассейнде 25 миллион тоннаға дейін мыс қоры болуы мүмкін, бұл оны әлемдегі ең перспективалы кен орындарының қатарына қосады. Инвестициялар және технологиялар:
Алғашқы екі жылда компания жобаға 18,7 млн доллар бағыттайды;
Алдыңғы қатарлы аэрогеофизикалық технологиялар мен цифрлық деректерді талдау әдістерін қолданады;
Жоба тұрақты даму қағидаттарына негізделген және экологиялық таза технологияларды енгізуді көздейді;
Жаңа жұмыс орындарын құру жоспарланған.
📸 Фото: pixabay