Munarmedia.kz 15.03.2026 /Astana/- . Мұндай мәліметті қоғамдық пікірді зерттейтін Demoscope Bureau of Public Opinion Monitoring жүргізген сауалнама нәтижесі көрсетті.
Зерттеу деректеріне сәйкес, 2026 жылдың қаңтарынан бастап қазақстандықтардың 77,6 пайызының шығындары артқан. Оның ішінде 54,4 пайызы шығындарының айтарлықтай көбейгенін, ал 23,2 пайызы аздап өскенін айтқан. Ал сауалнамаға қатысқандардың 16 пайызы өз шығындарында айтарлықтай өзгеріс болмағанын мәлімдеген.
Шығындардың өсуі көптеген тұрғындарды үнемдеуге мәжбүр еткен. Сауалнама нәтижесі бойынша:
44,5% азық-түлік сатып алуды қысқартқан;
36,1% киім мен аяқ киімге жұмсалатын қаражатты азайтқан;
28,3% такси қызметін сирек пайдаланатын болған.
Сарапшылардың айтуынша, соңғы айларда инфляциялық қысымның күшеюі мен салықтық өзгерістер халықтың тұтыну құрылымына тікелей әсер етіп отыр. Әсіресе ірі қалаларда коммуналдық қызметтер мен азық-түлік бағасының өсуі тұрғындардың шығындарын арттырған.
Ал болашаққа қатысты күтілімдер де айтарлықтай пессимистік сипатта. Сауалнамаға қатысқандардың 65 пайызы алдағы уақытта өмір сапасы нашарлайды деп есептейді. Оның ішінде:
40,5% жағдай айтарлықтай нашарлайды деп санайды;
24,5% аздап нашарлайды деп болжайды.
Сонымен қатар 8,2 пайыз респондент өмір сүру деңгейі белгілі бір дәрежеде жақсарады деген үміт білдірсе, 13,3 пайызы жаңа Салық кодексі олардың өміріне айтарлықтай әсер етпейді деп жауап берген.
Экономистердің пікірінше, салықтық өзгерістер қысқа мерзімде тұтыну нарығына қысым түсіруі мүмкін. Дегенмен ұзақ мерзімді перспективада бюджет кірістерін арттыру арқылы инфрақұрылым мен әлеуметтік бағдарламаларды қаржыландыруға мүмкіндік береді деп күтіледі.