Транзиттік жолаушыларға қызмет көрсететін шағын теміржол вокзалдары Ақмола және Павлодар облыстарында жаңғыртылмақ. Бұл жөнінде Көлік министрлігі хабарлады.
Мұндай вокзалдардың өткізу мүмкіндігі сағатына 20-дан 200 адамға дейін. Министрлік мәліметінше, жаңғырту жұмыстары Ақмола облысындағы 16 және Павлодар облысындағы 5 вокзалға жүргізіледі. Қазірдің өзінде Шидерті, Ақсу, Қалқаман, Қарасора және Ерейментау вокзалдарында жөндеу жұмыстары басталып кеткен.
– Шағын теміржол вокзалдарын қайта жаңғыртамыз. Олар жолаушылар үшін де, вокзал қызметкерлері үшін де әлдеқайда қолайлы болады. Мердігер ұйымдар ескі бөліктерді ішінара бұзып, жаңа қаңқасын құрады, әрлеу жұмыстарын жүргізеді. Сондай-ақ инженерлік желілер толығымен ауыстырылады, – деді көлік министрі Марат Қарабаев.
Вокзал қызметкерлері үшін арнайы демалыс бөлмелері де қарастырылмақ.