АҚШ пен Ресей арасындағы келіссөздерге байланысты уран бағасы (Қазақстанның негізгі экспорттық табыс көздерінің бірі) ұзақ уақыттық өсімнен кейін қайтадан төмендей бастады.
Bloomberg мәліметінше, егер Ресейге салынған санкциялар әлсіреп, ресейлік уран қайтадан экспортқа шығарылса, радиоактивті металдың әлемдік нарықтағы ұсынысы артады. Сонымен қатар, АҚШ пен Канада арасындағы келіспеушіліктер де белгілі бір рөл атқаруда, өйткені бұл елдерде уран өндіру көлемі жоғары. Ал «Қазатомөнеркәсіптің» қиындықтары, керісінше, бағаның түсуін тежейтін факторға айналуы мүмкін.
«Өткен аптада әлемдегі ең ірі уран өндіруші – «Қазатомөнеркәсіп» ҰАК жеткізілім мәселелерін мәлімдеді. Бұл уран өндірісіне қажетті күкірт қышқылына қолжетімділікті қиындатуы мүмкін», – деп жазады Bloomberg.
Алайда бұл жеткіліксіз болып отыр. 2024 жылдың басындағы уран бағасының күрт өсуімен салыстырғанда, қазіргі кезде металл құны үштен бір бөлігінен астам төмендеді, ал 2025 жылдың басынан бері 11%-ға арзандады.
«Урандық бум» аяқталды: инвесторлар белгісіз жағдайларда әрекет етуге сақтықпен қарап, нарықтың тұрақтануын күтуде.
Осы арада «Қазатомөнеркәсіп» өз уранын Швейцария АЭС-іне жеткізетін болады.
* Фото: «Қазатомөнеркәсіп».