339 млн теңге субсидияны жымқырғандар сотқа тартылды

Қарағандыда мемлекеттік субсидияны қалтасына басқандарға сот үкімі шықты. Бюджет қаражаты «Агроөнеркәсіптік кешенді дамыту» ұлттық жобасы аясында сүт өнімдерінің бағасын арзандатуға бөлінген.

Үкіметтен көмекке қаржы алу үшін «DIAS» шаруа қожалығының басшылары жергілікті ветеринарлық дәрігермен келісіп, сүт өнімдерін өндіру және сату туралы жалған құжаттар тапсырған.

Ал, шын мәнінде, шағын мал шаруашылығы базасы ғана болған.
 
Олар ақшаның бір бөлігін ет бағытындағы 60 асыл тұқымды бұқа сатып алуға жұмсап, нәтижесінде 9 млн теңге көлемінде субсидиялар түрінде қосымша қылмыстық табыс алынды.

Сот алқасы оларды 5 жылдан 6 жылға дейінгі мерзімге бас бостандығынан айырды және келтірілген залал шығыные өтеуді міндеттеді.