Маңғыстау облыстық мәслихатының экс-депутаты Ынташ Наурызова аймақ әкімі Нұрдәулет Қилыбайдан қысым көріп отырғанын жария етті, деп хабарлайды Ertenmedia.
Экс-депутаттың айтуынша, әкім екеуінің ортақ ұлы бар.
Наурызова өзін аңдып жүргендердің арасында әкімдік өкілдері мен бейтаныс адамдардан бөлек, қылмыс әлемінің өкілдері де бар екенін айтады.
Жалпы бұл мәселе былтырдан бері жыр болып келеді. Наурызова бұған дейін де осы тақілеттес мәлімдеме жасап, білдей облыс басшының әлимент төлеуден жалтарып жүргенін мәлімдеген болатын.
Маңғыстау облысының әкімі Нұрдәулет Қилыбай бұған қатысты әзірге ешқандай түсініктеме берген жоқ.
Айта кетейік, Қилыбай Маңғыстау облысының әкімі болып былтыр мамыр айында тағайындалған. Оған дейін "Өзенмұнайгаздың" басқарма төрағасы қызметін атқарған.