Munarmedia.kz 06.12.2025 / Астана Алматы қаласында жеке сот орындаушысының қызметтік өкілетін асыра пайдаланып, қомақты қаржыны жымқырғаны анықталды. Тергеу деректеріне сәйкес, ол борышкерлерден өндірілген қаражатты заң бойынша құқығы бар азаматтарға қайтарудың орнына өз қажетіне жұмсаған.
Жалпы алғанда, сот орындаушысы 370 млн теңгеден астам қаражатты иемденіп, оған қоса құны 19 млн теңге тұратын Range Rover көлігін заңсыз алғаны белгілі болды.
Сот оның әрекетін иемдену және алаяқтық деп танып, 8 жылға бас бостандығынан айыру туралы үкім шығарды. Айыпталушы енді бұл салада жұмыс істеу құқығынан да айырылды.
Сонымен бірге қылмыстық жолмен табылған барлық мүлкі мемлекет пайдасына тәркіленеді.
Құзырлы органдар азаматтарды құқық бұзушылық деректерін дер кезінде хабарлауға және өз қаражатын заңдық жолмен қорғаудың маңызын еске салды.