Munarmedia.kz. 23.09.2026. ASTANA. Қытайлық алты жасар Лян Юньчжи (Lian Yunzhi) Рубик текшесін құрастырудан әйелдер арасындағы әлемдік рекордты үш күн ішінде екі рет жаңартты. Ол 3×3×3 форматындағы Рубик текшесін бес әрекеттің орташа есебімен небәрі 4,27 секундта жинап шыққан.
Gogo.mn сайтының хабарлауынша, Лян Юньчжи 12 қыркүйекте Ухань қаласында өткен Дүниежүзілік кубик қауымдастығының (WCA) ресми жарысында бес әрекеттің орташа нәтижесі бойынша 4,52 секунд көрсетіп, әйелдер арасындағы әлемдік рекорд орнатқан.
Оның сол жарыстағы бес әрекетінің нәтижесі мынадай болған: 4,50, 4,74, 3,54, 5,47 және 4,33 секунд.
Алайда жас спортшы мұнымен тоқтап қалмаған. Екі күннен кейін, 14 қыркүйекте Гуанчжоу қаласында өткен келесі WCA жарысында өз рекордын қайта жаңартып, орташа есеппен 4,27 секунд нәтиже көрсеткен.
Осылайша, Лян үш күннің ішінде әйелдер арасындағы әлемдік рекордты екі рет жаңартып, Рубик текшесін орта есеппен 4,5 секундтан аз уақытта жинаған алғашқы әйел спортшы атанды.
Алты жасында 1300-ден астам алгоритм меңгерген
Лян Юньчжи небәрі алты жаста болғанымен, Рубик текшесін құрастырудың 1300-ден астам алгоритмін меңгерген. Соңғы бір жылда ол күн сайын орта есеппен екі-үш сағат жаттығып келген.
Жас спортшының анасының айтуынша, тұрақты жаттығулар қыздың зейінін шоғырландыруына, есте сақтау қабілетіне, логикалық ойлауына және кеңістікті бағдарлау дағдысына оң әсер еткен.
Лянның жетістігі Рубик текшесін құрастыруда жас ерекшелігінің шешуші кедергі емес екенін көрсетіп, жылдамдық пен дәлдікке негізделген спорт түріне деген қызығушылықты арттыра түсті.
#Қытай #РубикТекшесі #ӘлемдікРекорд #ЛянЮньчжи #ЖасТалант #WCA #ӘлемЖаңалықтары #Munarmedia