Аналитиктердің мәліметінше, әлемдік экономикалық өсімге төнетін қауіптерді азайтып, мұнайға деген сұранысты қолдайтын келісімге қол жеткізіледі деген үміт бар.

Сауда сессиясы барысында мұнай бағасы барреліне 67 долларға дейін (+0,8%) біршама өсті. Азия қаржы корпорациясының (АҚК) мәліметінше, бұл АҚШ пен Қытай арасындағы Лондонда өтіп жатқан келіссөздерге байланысты туындаған оптимизм аясында орын алды.

— Аналитиктердің бағалауынша, келісімге қол жеткізуге деген үміт бар, бұл жаһандық экономикалық өсімге төнетін тәуекелдерді азайтып, мұнайға деген сұранысты қолдауы мүмкін. Алайда келіссөздердің нақты нәтижесінің болмауы мұнай нарығына қысым түсіруі ықтимал, — делінген хабарламада.

Сонымен қатар, сарапшылар Қытайдың экспортының баяулауы мен импортының, соның ішінде шикі мұнай импортының қысқаруы жөніндегі алаңдаушылықтың сақталып отырғанын атап өтуде.