Munarmedia.kz 21.11.2025 /Астана/-Ақтөбеде бір күн бұрын хабар-ошарсыз кеткен ерлі-зайыптының іздестіру жұмыстары қайғылы түрде аяқталды. Қала сыртындағы аумақтан олардың денелері табылды.
Алдын ала мәліметтерге қарағанда, оқиға тұрмыстық жанжал негізінде өрбіген болуы мүмкін. Тергеу нұсқасы бойынша, әйел адам зорлық әрекеттерінің салдарынан көз жұмған, ал оның күйеуі өз-өзіне қол салған деген болжам қарастырылуда.
Қазіргі уақытта оқиға орнында жедел-тергеу тобы жұмыс істеп жатыр. Мамандар аумақты тексеріп, айғақтарды жинауда, қажетті сараптамалар тағайындалған. Аталған факті бойынша қылмыстық іс қозғалды.
Белгілі болғандай, марқұмдардың артында бес кәмелетке толмаған бала қалған. Балалардың одан арғы тағдыры мен олардың әлеуметтік-құқықтық қолдау мәселесі жергілікті органдардың бақылауына алынды.
Тергеу жалғасуда.