Арман Шораевқа қатысты қылмыстық іс тоқтатылды

Азаматтық некедегі әйелін сабады деп айыпталған Арман Шораевқа қатысты қылмыстық іс тоқтатылды

Желіде қоғам қайраткері Арман Шораевтың әйелді соққыға жыққан видеосы тараған еді. Оқиғадан кейін Шораевтың үстінен "Ұрып-соғу" бабы бойынша қылмыстық іс қозғалды.

Полиция департаменті аталған жағдай бойынша қылмыстық іс тоқтатылғанын хабарлады.

"Қылмыстық кодекстің "татуласуға байланысты қылмыстық жауаптылықтан босату" бабына сәйкес қылмыстық құқық бұзушылық жасаған адам жәбірленушімен татуласқан болса, қылмыстық жауаптылықтан босатылады. Тараптар өз құқықтарын пайдалана отырып, сотқа дейінгі тергеуді тоқтату туралы арыз жазды", – делінген полиция хабарламасында.