Аsar Baspana қаржы пирамидасының басшыларынан 1,2 млрд теңге қолма-қол ақша тәркіленді

Бұл туралы агенттіктің баспасөз қызметі хабарлады.

Ұйымдастырушылар жылжымайтын мүлік пен көлік құралдарын, тұрмыстық өнімдерді сатып алу үшін қаражат салғаны үшін ай сайын салған ақшасының 30% көлемінде пайда табатынына уәде берген. Олар ұсынған тұрыстық заттардың арасында биологиялық белсенді қоспалар, ас үй ыдыстары, косметика, тұрмыстық химия және басқа да тауарлар бар

.

Агенттік қызметкерлері компания кеңселерінде және күдіктілердің тұрғылықты жері бойынша тінту жүргізіп, нәтижесінде 1,2 млрд теңгеден астам қолма-қол ақша және премиум санаттағы көліктерді тәркілеген. Жалпы компанияға тиесілі 13 автомашина анықталған.

Қаржылық пирамида ұйымдастырушылары ұсталып, оларға қатысты сот екі ай мерзімге қамауға алу түріндегі іс-шара санкциялады. Сотқа дейінгі тергеу жалғасуда.