Қаланың басты шыршасы жарқ еткен сәтті ондаған куәгер видеоға түсіріп үлгерген.
Мерекеге алдын ала дайындық жүргізілген — салтанатты шараға арналған концертке жүздеген қала тұрғыны жиналған болатын. Шырша ресми түрде шамдары жағылған мезетте лап ете қалған.
Қазіргі уақытта өрт сөндірушілер жағдайды реттеді, бірақ Жаңа жылдың басты символына қалпына келтіру жұмыстары қажет.
«Бұл өрт Шымкентіміз үшін ең үлкен қолайсыздық болсын», — деп жазды видео авторы.
Кейінірек оқиғаға Шымкент әкімдігі түсініктеме берді. Әкімдік өкілдерінің айтуынша, өрттің шығуына жарықтандыру құрылғыларының техникалық ақаулары себеп болуы мүмкін. Дәл себебі тексеріс аяқталғаннан кейін белгілі болады.
«Қаладағы барлық жарықтандыру құрылғылары тексеріледі, сондай-ақ мұндай жағдайдың қайталануына жол бермеу үшін қосымша қауіпсіздік шаралары қабылданады», — деп мәлімдеді жергілікті билік.
Зақымдалған құрылымды мердігер өз қаражаты есебінен қалпына келтіреді.
* Фото және видео: Марина Низовкинаның инстаграмы.