Munarmedia.kz 23.11.2025 / Астана/ Ұлыбританияның бұрынғы премьер-министрі Борис Джонсон АҚШ әкімшілігінің Украина жөніндегі бастамасын қатаң сынға алды. Daily Mail басылымында жарияланған авторлық колонкасында ол құжатты «смехотворный» деп атап, Дональд Трампты «Украинаны сатты» деп айыптады.
Джонсонның айтуынша, ұсынылған құжат «Украинаның әскери әлеуетін толық шектеуді» көздейді. Ол құжаттағы тармақтарды келтіре отырып, жоспар Ресейге:
— Украинаның НАТО-ға кіруіне вето құқығын,
— ел аумағына кез келген шетелдік әскердің кіргізілуіне бақылау жүргізу құқығын
беруді талап етіп отырғанын атап өтті.
Сондай-ақ автордың айтуынша, ұсыныста Киевтен Қырым мен Донбассқа қатысты кез келген талаптан бас тарту ғана емес, «Ресей бақылауында да емес» деп келтірілген кең аумақтарды, соның ішінде жүздеген мың бейбіт тұрғын мекендейтін жерлерді беруді қарастыру ұсынылған.
«Егер Киев осы құжаттың барлық 28 шартын қабылдаса, Украина Мәскеудің ықпалындағы марионет мемлекетке айналып, әрдайым «үшінші басқыншылық» қаупімен өмір сүретін болады», — деп жазды саясаткер.
Бұған дейін Борис Джонсон өзі ұсынған қатаң сценарийді жақтаған еді:
— Ресейдің мұздатылған активтерін Украинаға беру,
— Ресей аумағына «Томагавк» зымыранымен соққы жасау,
— және Украинаға НАТО күштерін енгізу жөніндегі ұсыныстарын ортаға салған болатын.
Джонсонның кезекті сын-ескертпелері Украина төңірегіндегі дипломатиялық талқылаулардың әлемдік саясаттағы басты тақырыптардың бірі болып қала бергенін көрсетеді.