2025 жылғы 15 қаңтарда Мәжіліс кулуарында депутат Екатерина Смышляева автокөліктерді жылытуға қатысты норманы нақтылау жоспарымен бөлісті. Бұл бастама негізсіз айыппұлдардың алдын алуға бағытталған.
Аталған норма 20 жылдан астам уақыт бойы қолданыста және бастапқыда аулаларда тұратын тұрғындарды қозғалтқыштың шуынан және шығарындыларынан қорғауға бағытталған. Алайда депутаттың айтуынша, бұл норманың құқықтық тұрғыда нақтылығы жоқ, сондықтан автокөлік жүргізушілері арасында наразылық туғызуда.
🔹 Негізгі мәселелер:
Жылыту кезінде туындаған қолайсыздықтардың нақты анықтамасының болмауы;
Айыппұлдардың тұрғындардың шағымы негізінде ғана салынатыны туралы ереженің жоқтығы;
Өңірлердегі ауа температурасының ерекшеліктерін ескерудің маңыздылығы (-5°С пен -40°С жағдайында жылыту уақыты әртүрлі).
Депутаттың айтуынша, Әкімшілік кодекске өзгеріс енгізудің қажеті жоқ, бірақ «Жол қозғалысы туралы» заңның тиісті бабы қайта қаралады.
“Бұл норманы нақтылау бойынша жұмыс істеп жатырмыз, оның негізсіз қолданылуын болдырмау және автокөлік жүргізушілерінің алаңдаушылығын азайту маңызды. Тұрғындардың жайлылығы мен автомобильдерді жылыту қажеттілігінің арасында теңгерім табу қажет, әсіресе ауа райы өте суық өңірлерде,” – деп атап өтті Смышляева.
📸 Фото: pexels