Munarmedia.kz 23.11.2025 / Астана/ Еуропалық одақтың сыртқы саясат жөніндегі басшысы Кая Каллас Ресейге қатысты «ешқандай уступка болуы мүмкін емес» екенін мәлімдеді. Оның айтуынша, мүмкін болатын кез келген бейбіт келісімнің шарттарын тек Киевтің өзі анықтауы тиіс, деп хабарлайды Sky News деректері.
Каллас Еуропа да, Украина да «бейбітшілікті қалайды», алайда «агрессияға жай ғана жол бере алмайды» деп атап өтті. Бұған дейін ол ЕО кез келген бейбіт жоспарды қолдауға дайын екенін, бірақ ол жоспар «берік әрі әділ бейбітшілікті» қамтамасыз етуі және Украина мен Еуроодақтың мүдделерін қамтуы қажет екенін айтқан.
Басылымның жазуынша, Еуроодақ пен Киевтің ұстанымы айқын: бейбіт келісім тек Украина егемендігі мен аумақтық тұтастығын толық құрметтеу арқылы мүмкін.
Ал 24 қарашада Анголада Украина мәселесіне арналған ЕО-ның кезектен тыс саммиті өтеді. Der Spiegel хабарлағандай, Еуропа көшбасшылары АҚШ-тың жаңадан сайланған президенті Дональд Трампқа қақтығысты реттеуге қатысты жедел дайындалған өз ұсыныстарын жолдап үлгерген.
ЕО-ның түпкі позициясы өзгеріссіз қалып отыр: бейбітшілікке жетудің басты шарты — Украинаға әділетті және қауіпсіз шешім ұсыну.